दिए एआईजी रवीन्द्र केसीले राजीनामा

रासंसा/काठमाण्डौ, माघ २८,

मुलुकमा नेपाल प्रहरीका अतिरिक्त महानिरीक्षक (एआईजी) रवीन्द्र केसीले राजीनामा दिएका छन्। प्रहरी प्रधान कार्यालयको प्रदेश समन्वय विभागमा कार्यरत केसीले शुक्रबार राजीनामा दिएको प्रहरी प्रधान कार्यालयले पुष्टी गरेको छ । हाल कर्णाली प्रदेश कार्यालयमा कार्यरत डिआईजी भट्टराईलाई अव बस्ने मन्त्रीपरिषदको बैठकले एआईजी केसीको राजिनामा स्वीकृत गर्ने भएको छ । उनलाई पुस २६ गते बसेको मन्त्रिपरिषद बैठकले एआईजीमा बढुवा गर्ने निर्णय गरेको थियो। सेवा अवधि आगामी चैत ५ गतेसम्म रहे पनि केसीले पहिले नै राजीनामा दिएका हुन्। गएको पुस १७ गते बढुवा समितिले कुवेर कडायत र उनलाई एआईजीमा बढुवा गर्न सिफारिस गरेको थियो। आईजीपी वसन्तबहादुर कुँवरकै ब्याची केसीले सेवाअवधि सकिन ४० दिन पहिले नै राजीनामा दिएका हुन्। हालैमात्र एआईजीमा बढुवा भएका केसीले हाल डिआईजी रहेका आफ्नै व्याजका डिआईजी जनक भट्टराईलाई एआईजीमा बढुवा गराउनकालागि राजिनामा दिएको बुझिएको छ । बर्तमान प्रहरी महानिरीक्षक बसन्तबहादुर कुंवरको व्याजका डिआईजी भट्टराई मात्रै एआईजी हुन बाकी रहेपछि एआईजी केसीले राजिनामा दिएर बाटो खोलिदिएको उच्च प्रहरी अधिकारीले बताएका छन । केसीको राजीनामा स्वीकृत भएसँगै डीआईजी जनक भट्टराई एआईजीमा बढुवा हुने भएका छन्। भट्टराई कर्णाली प्रदेशको प्रहरी प्रमुख छन्।