आईएमई लाइफ इन्स्योरेन्सको पाँचौं वार्षिकोत्सव सम्पन्न

रासंसा/काठमाण्डौ, भाद्र ११,

मुलुकमा आईएमई लाइफ इन्स्योरेन्स कम्पनी लिमिटेडले पाँचौ वर्ष पूरा गरेको उपलक्ष्यमा बुधबार केन्द्रीय कार्यालय र मुलुकभरका शाखा कार्यालयमा विभिन्न कार्यक्रम गरी मनाएको छ। उक्त कार्यक्रममा कम्पनीका प्रमुख कार्यकारी अधिकृत कवि फुयाँलले बीमाको क्षेत्रमा बीमितको पहुँच पुर्‍याने कार्यमा उल्लेखनीय प्रगति भइरहेको उल्लेख गर्दै बीमितको हित प्रति कम्पनी सदैव तत्पर रहेको बताए।
त्यसैगरी आउँदा दिनहरुमा बृहत नतिजा आउनेगरी अन्य कार्यक्रमहरु समेत गर्ने फुयाँलले बताए। सोही कार्यक्रममा काठमाडौं, लैनचौरस्थित कार्यालयमा बोल्दै कम्पनीका अध्यक्ष डा. रामहरि अर्यालले बीमा व्यवसायलाई व्यवस्थित गर्दै विस्तार गरी राष्ट्रको निति एक घर, एक बीमा कार्यक्रमलाई आत्मसात गर्नु पर्ने आवश्यकतामा जोड दिए। पछिल्लो १० दिनमा कम्पनीले विभिन्न सामाजिक उत्तरदायित्व बहन गरी बृहतरुपमा अपत्यारीलो नतिजा प्राप्त गर्न सफल भयो। एकै दिनमा ५७१ जनाबाट वृहत रक्तदान, ७४८ जनालाई बीमा अभिकर्ता तालिम र सातवटै प्रदेशमा १३०२ जनालाई लाभान्वित हुने गरी स्वास्थ्य शिविर र ५८४८ विद्यार्थीमा बीमा साक्षरता जागरण कार्यक्रम सफलतापूर्वक आयोजना गरेको कम्पनीले जनाएको छ। यसका लागि आईएमई लाइफ इन्स्योरेन्स कम्पनीले ब्यवसायिक सफलतामा मात्र केन्द्रित नरही सामाजिक उत्थानमा समेत निरन्तरता दिने बताए। पाँच वर्षअघि स्थापना भएको कम्पनीले हाल देशैभरि १४० भन्दा बढी शाखाहरुबाट सेवा प्रदान गरिरहेको छ।