कांग्रेस नयाँ नेतृत्वका लागि प्रदेश २ मा मतदान जारी

रासंसा/धनुषा, पौष ८,

सत्नेताधारी नेपाली कांग्रेस प्रदेश २ को नयाँ नेतृत्वका लागि मतदान जारी रहेको छ। बिहीबार बिहान ८ बजेदेखि मतदान हुने भनिए पनि साढे ९ मा मतदान सुरु भएको हो। मतदानका ४ वटा बुथ बनाइएको छ। एउटा बुथमा २/२ जिल्लाको मत खसाल्ने व्यवस्था मिलाइएको छ। सप्तरी सिरहा, धनुषा महोत्तरी, सर्लाही रौतहट र बारा पर्साको सँगसँगै बुथ बनाइएको छ। पहिलो मत सभापति पदका उम्मेद्वार कृष्ण यादवले मतपेटिकामा हालेका हुन्। त्यस लगत्तै दोस्रो मत अर्का सभापति पदका उम्मेद्वार रामसरोज यादवले मत खसाएका थिए। बुधबार विमलेन्द्र निधि र शेरबहादुर देउवा समूहबीच कुटाकुट भएको थियो। दिउँसो १ बजेदेखि मतदान सुरु हुने कार्यतालिका रहेपनि सुरु नगरेको भन्दै आक्रोशित नेता कार्यकर्ताले नाराबाजी गरेपछि झडप भएको थियो।