प्रहरीको पहलमा ५ सय बडी गाँजाका बोट पोलेर नष्ट

अन्जनराज न्यौपाने / गण्डकी प्रदेश समाचार / १५ गते शुक्रबार तनहूँ जिल्लाको घिरिङ गाउँपालिका वडा नं. ३ र ५ मा पर्ने नेवापानी, सिंजालीथर, अर्चलबोट, हटिया, देउराली लगायतका स्थानहरुमा उम्रिएका गाँजाहरु शुक्रबार एक कार्यक्रमका बीच नष्ट गरिएको छ।
ईलाका प्रहरी कार्यालय घिरिङको पहलमा ५ रोपनी जग्गामा प्राकृतिक रुपमा उम्रिएका ५ सय बडी गाँजाका बोटहरु जलाएर नष्ट गरिएको हो।
स्थानीय जनप्रतिनिधी र सोही स्थानका स्थानीय व्यक्तिहरु समेतको संयुक्त सहयोगमा उक्त गाँजाका बोटहरु नष्ट गरिएको जिल्ला प्रहरी कार्यलय तनहूँका प्रहरी नायब उपरीक्षक युवराज तिमल्सेनाले जानकारी दिए।
यस अधि पनि जिल्लाका विभिन्न स्थानहरूमा जिल्ला प्रहरी कार्यालय , ईलाका प्रहरी कार्यालयहरुको पहलमा समुदाय साझेदारी कार्यक्रम अन्तरगत विभिन्र क्षेत्रहरुमा अबैध रुपमा लगाईएका गाँजाहरु नष्ट गरेको थियोे ।