मुख्य समाचार समाचार 

नगर प्रमुख न्यौपाने द्वारा शुद्धीकरण सहितको ढुङ्गेेधारा उद्घाटन

Nisha Pandey
Share to:
तनहुँ । ४ गते मंगलबार **** शुद्धीकरण सहितको ढुङ्गेधारा निर्माण कार्यको उद्घाटन गरिएको छ। जिल्लाको सदरमुकाम ब्यास-३ स्थित अनशनचौतारी खेलमैदान नजिक जिल्ला अस्पताल जाने गेट सगै निर्माण गरिएको उक्त नव निर्मित ढुङ्गेधाराको उद्घाटन ब्यासनगरपालिकाका प्रमुख बैकुण्ठ न्यौपानेले गरेका हुन्। ढुङ्गेधाराको पानी पिएर उद्घाटन गर्दै शुभकामना मन्तब्यका क्रममा बोल्दै प्रमुख अतिथि न्यौपानेले जेसिआईका सम्पुर्ण युवाहरु सामाजिक र विकासको गतिमा अग्रसर भै धारा निर्माण गरि उदहारणीय कार्य गरेको प्रति आफू अतिनै हर्षित भएको बताए । जेसिआई ब्यास नगरले विकासका विभिन्न खाले कार्यहरुमा सक्रियता र रचनात्मक कार्य गरेको भन्दै प्रसंसा समेत उनले गरे। शुद्धीकरण सहितको ढुङ्गे धारा निर्माण हुदाँ यस क्षेत्रको सोभा बड्नुका साथै वडाको थप सौन्दर्य समेत बडाउने काम भएको बताए ।उद्घाटनका क्रममा बोल्दै ब्यास नगर प्रमुख न्यौपानेले विगतका समयमा बाटो बाटोमा पानी को घैटो सहितको धर्मशालाहरु राखेर धर्म कमाउने पुर्खाहरुको चलनको स्मरण गराउदै बाजे र पुर्खाहरूले गरेको महत्वपूर्ण कार्यको अनुशरण हुनु स्वागतयोग्य र महत्त्वपूर्ण कार्य भएको बताए । नगर र जिल्लाको विकासकालागि सम्पुर्ण युवा शक्ति एक भएर आत्मसात गर्दै उनीहरूको अनुसरण गर्दै विभिन्न समयमा विभिन्न तरिकाले सहयोग र साथ समर्थन गर्दै हातमा हात काँधमा काँध मिलाएर अगाडि बढ्नुपर्ने को विकल्प नरहेको बताए। व्यास नगर जेसिआई ले विभिन्न समयमा विभिन्न तरिकाले लकडाउनका समयमा विभिन्न क्षेत्रका अति विपन्न ,गरिव,असायबर्गहरुलाई राहत वितरण,लत्ताकपडा ,पिउने पानी ,फलफुल वितरण गरि उदाहरणीय कार्य गरेको भन्दै रचनात्मक कार्यको प्रसंसा समेत गरे। नगरप्रमुख न्यौपानेले जेसिआईका महत्त्वपूर्ण विकास निर्माण र रचनात्मक सक्रियता र निरन्तरतामा नगरपालिकाको साथ र सहयोग सदैव रहने उनले वताए ।
वडा अध्यक्ष प्रेमकुमार श्रेष्ठले ढुङ्गे धाराले समग्र वडा नम्बर ३ मात्रै नभएर सदरमुकामको सौर्न्दर्य फेरिएको बताए ।विकास निर्माणमा जेसिआई ब्यासनगरको उल्लेखनीय र महत्त्वपूर्ण भुमिका निर्वाह गरेको भन्दै खुसी ब्यक्त गरे।
जेसिआई ब्यास नगरका पुर्व अध्यक्ष सुरेश पुरीले कार्यक्रमको स्वागत मन्तब्यका क्रममा मानवताको सेवाका लागि जेसिआई ब्यासनगर हरदिन दत्तचित्त भैई सधै अग्रसर भएर लागि रहेको वताए ।
उक्त कार्यक्रमको शुभकामना मन्तब्यका क्रममा वडा सदस्य रविन पौडेलले अस्पताल जाने तथा विभिन्न सभा समारोहमा आउने सहभागी र वटुवाहरुका लागि पिउने पानीको अभाव नहोस् भन्ने मन्सायले हामी क्रियाशील भएको वताए ।उनले वडाको समग्र विकास निर्माणका कार्यमा हामी साथमा छौ उनले भने।सेवा नै धर्म भएको वताउदै वडा सदस्य पौडेलले हामी सामाजिक र सिर्जनात्मक कार्यकालागि कुनै पनि समय हाजिर छौ एकता सद्भाव र अनुकरणीय कार्यमा प्रत्येक तह र तप्काकाका युवाहरु हातमा हात साथमा साथ मिलाएर हिड्नु पर्नेमा जोड् दिए।
यसैगरी ,कार्यक्रमका सभापति ब्यास नगर जेसिआईका अध्यक्ष लक्ष्मीभक्त खनालले जेसिआई ब्यासनगरले समाजमा सुशासनकालागि ,लोकतान्त्रिक पद्धति , मूल्य र मान्यतालाईआत्मा साथ गर्दै विपन्न र असायहरुको सेवामा निरन्तर अहोरात्र हरदम लागिरहने बताए । उनले जेसिजले समाजमा भए गरेका विकृति,विसंगतिका विरुद्धमा हरपहर लागिरहने वताए। उनले जेसिजले सामाजिक हित ,लोककल्याणकारी कार्यमा सक्रियता प्रस्तुत गर्दै शुद्धीकरण सहितको ढुङ्गेधारा निर्माण गरिएको बताए । सुशासनकालागि सधै सचेत र चनाखो रहने जेसिज सामाजिक क्षेत्रमा रचनात्मक र उदहारणीय कार्य गर्ने प्रतिवद्दता ब्यक्त गरे। कुल ३ लाख२० हजारको लागतमा उक्त ढुङ्गेधारो निर्माण गरिएको समेत अध्यक्ष खनालले जानकारी दिए।
Like