आदिकवि भानुभक्त क्याम्पसको क्याम्पस प्रमुखमा डाक्टर रामकुमार अधिकारी नियुक्त
अन्जन राज न्यौपाने
गण्डकी प्रदेश
तनहुँ।
तनहुँको अग्रणी शैक्षिक संस्था आदिकवि भानुभक्त क्याम्पसको क्याम्पस प्रमुखमा नियुक्त हुनुभएका डा. रामकुमार अधिकारीले औपचारिक रूपमा आफ्नो जिम्मेवारी सम्हाल्नुभएको छ। यसअघि लामो समयसम्म क्याम्पसको सहायक क्याम्पस प्रमुखका रूपमा कुशलतापूर्वक भूमिका निर्वाह गरिसक्नुभएका डा. अधिकारीको अनुभवले क्याम्पसको आगामी यात्रा थप सुदृढ हुने विश्वास लिइएको छ।
क्याम्पसको प्रशासनिक र शैक्षिक वातावरणलाई नजिकबाट नियाल्नुभएका डा. अधिकारीको नेतृत्वले संस्थागत निरन्तरता और विकासलाई एकसाथ अघि बढाउने अपेक्षा गरिएको छ। सहायक क्याम्पस प्रमुख रहँदा उहाँले पुर्याउनुभएको योगदानको कदर गर्दै सञ्चालक समितिले उहाँलाई प्रमुखको जिम्मेवारी सुम्पेको हो।
नवनियुक्त क्याम्पस प्रमुख डा. अधिकारीलाई प्राध्यापक, कर्मचारी, विद्यार्थी तथा स्थानीय सरोकारवालाहरूले बधाई ज्ञापन गर्दै उहाँको कार्यकालको पूर्ण सफलताको कामना गरेका छन्।
कार्यभार सम्हालेसँगै डा. अधिकारीले क्याम्पसको शैक्षिक गुणस्तर सुधार, भौतिक पूर्वाधारको विकास र विद्यार्थीमैत्री वातावरण निर्माणका लागि आफू दत्तचित्त भएर लाग्ने प्रतिबद्धता व्यक्त गर्नुभएको छ।
सहायक क्याम्पस प्रमुखबाट प्रमुखको जिम्मेवारीमा पुग्नुभएका डा. अधिकारीको यो पदोन्नतिले क्याम्पसको आन्तरिक व्यवस्थापन थप प्रभावकारी हुने र शैक्षिक उत्कृष्टताको नयाँ अध्याय सुरु हुने अपेक्षा गरिएको छ।