तनहुँमा पृथ्वी राजमार्गको जोखिमपूर्ण क्षेत्रको अनुगमन: उच्च सतर्कता अपनाउन प्रमुख जिल्ला अधिकारी शिवलाल तिवारीको अपिल
अन्जनराज न्यौपाने
गण्डकी प्रदेश
तनहुँ
तनहुँ, ९ असोज २०८३ — अविरल वर्षाका कारण पृथ्वी राजमार्गअन्तर्गत तनहुँ जिल्लाका विभिन्न स्थानमा उत्पन्न हुन सक्ने सम्भावित जोखिम तथा पहिरोको अवस्थाबारे स्थलगत अनुगमन तथा निरीक्षण गरिएको छ।
मिति २०८३ साल असोज ९ गते बिहान ११:०० बजेको समयमा तनहुँ जिल्लाका प्रमुख जिल्ला अधिकारी शिवलाल तिवारीको नेतृत्वमा गएको उच्चस्तरीय टोलीले जिल्लाका विभिन्न जोखिमयुक्त क्षेत्रहरूको अवलोकन गरेको हो।
अनुगमन टोलीमा सहभागिता:
शिवलाल तिवारी — प्रमुख जिल्ला अधिकारी, जिल्ला प्रशासन कार्यालय, तनहुँ
टेक बहादुर कार्की — प्रहरी उपरीक्षक (प्र.उ.), जिल्ला प्रहरी कार्यालय, तनहुँ
जिल्ला सुरक्षा समितिका पदाधिकारीहरू
अमित ढकाल — इन्जिनियर, मुग्लिङ–पोखरा सडकखण्ड आयोजना
अनुगमन गरिएका मुख्य क्षेत्रहरू:
ऐनापहरा (आँबुखैरेनी गाउँपालिका वडा नं. ३)
छिर्कन पहिरो क्षेत्र (व्यास नगरपालिका वडा नं. १२)
ठूलढुङ्गा (बन्दीपुर गाउँपालिका वडा नं. ४) — जहाँ स्थानीय बासिन्दाका घरहरू उच्च जोखिममा रहेका छन्।
समग्र मुग्लिङ–पोखरा सडक खण्डका सम्भावित जोखिमयुक्त स्थानहरू।
जनसाधारणका लागि विशेष अपिल:
निरन्तरको वर्षा र प्रतिकूल मौसमका कारण भएको क्षतिप्रति प्रमुख जिल्ला अधिकारी र सुरक्षा प्रमुखले गहिरो दुःख व्यक्त गर्नुभएको छ। साथै, यस किसिमको प्राकृतिक विपद्को जोखिमबाट बच्नका लागि नागरिकहरूलाई निम्न विषयमा विशेष ध्यान दिन अनुरोध गरिएको छ:
खोला तथा नदी किनारमा नजानुहुन: नदी तथा खोलाहरूमा पानीको सतह बढ्न सक्ने हुँदा तिरको आसपास नजान आग्रह गरिएको छ।
अनावश्यक यात्रा नगर्नुहुन: अत्यावश्यक कामबाहेक घर बाहिर ननिस्कन र सुरक्षित स्थानमा रहन अपिल गरिएको छ।
उच्च सतर्कता अपनाउनुहुन: पहिरो तथा बाढीको उच्च जोखिम रहेकोले सम्भावित खतराबाट बच्न सम्पूर्ण जिल्लावासीलाई उच्च सतर्कता र सजगता अपनाउन आग्रह गरिएको छ।