उडान तथा रेलको सेवा उत्तर भारतमा बाक्लो कुहिरो, प्रभावित

एजेन्सी,

विश्वमा उत्तर भारतमा बाक्लो कुहिरो, उडान तथा रेल सेवा प्रभावित उत्तर भारतमा बाक्लो कुहिरोका कारण जनजीवन प्रभावित भएको छ भने सयौं उडान तथा रेल सेवा प्रभावित भएका छन् । समाचार एजेन्सी पीटीआईका अनुसार उत्तर भारत हाल शीतलहरको चपेटामा छ र बाक्लो कुहिरोका कारण धेरै यात्रु र मालगाडीहरू ढिलो गरी चलिरहेका छन्। एजेन्सीका अनुसार शनिबार बिहान दिल्ली एनसीआर क्षेत्रमा भिजिबिलिटी लगभग शून्य रहेको थियो भने तापक्रम अझै घटेको छ। दिल्ली, नोएडा, गाजियाबाद, गुरुग्रामलगायत उत्तर प्रदेश र हरियाणाका धेरै भाग बाक्लो कुहिरोबाट प्रभावित छन्। इन्डिगोले शुक्रबार राति नै आफ्नो एक्स ह्यान्डलमा उडान रद्द भएको जानकारी दिएको थियो । एयरलाइन्सले उडान सुरु भएपछि पनि सेवा सामान्य हुन समय लाग्ने बताएको छ । शुक्रबार पनि बाक्लो कुहिरोका कारण ४०० उडान प्रभावित भएका थिए ।अर्कोतर्फ लखनउमा तापक्रम ११.४ डिग्री सेल्सियस मापन गरिएको छ । मध्य हिमाली क्षेत्रमा वर्षा र हिमपातको सम्भावना रहेको मौसम पूर्वानुमान महाशाखाले जनाएको छ । भारतीय मौसम विज्ञान केन्द्रका अनुसार शनिबार बिहान दिल्लीको न्यूनतम तापक्रम १०.२ डिग्री सेल्सियस मापन गरिएको थियो र वायुको गुणस्तर अत्यन्तै खराब श्रेणीमा रेकर्ड गरिएको थियो। पछिल्लो २४ घण्टामा दिल्लीमा एक्यूआई ३७१ थियो।