आज विश्व कला दिवस मनाइदै

रासंसा/काठमाण्डौ, बैशाख ३,

१५ अप्रिल १४५२ महान इटालियन चित्रकार लियोनार्दो दा भिन्चीको जन्मजयन्ती हो। लियोनार्डो दा भिन्ची एक महान इटालियन चित्रकार, मूर्तिकार, वास्तुकार, संगीतकार, कुशल मेकानिक, इन्जिनियर र वैज्ञानिक थिए। कलामा निपुणताका कारण उनले विश्वभर सम्मान पाएका थिए र आज उनको जन्मजयन्तीमा विश्व कला दिवस मनाइँदैछ । कला सँधै अभिव्यक्ति र भावनाहरूको अन्वेषणको लागि एक शक्तिशाली माध्यम भएको छ। यही कारणले गर्दा कला र संस्कृतिको प्रवर्द्धन गर्न हरेक वर्ष १५ अप्रिलमा विश्व कला दिवस मनाइन्छ । साथै यस दिनको अवसर पारेर सर्वसाधारणमा विभिन्न कलाका बारेमा चेतना जगाउने काम पनि गरिन्छ । पहिलो पटक, विश्व कला दिवस 15 अप्रिल 2012 मा मनाइएको थियो। सन् २०१५ मा लस एन्जलसमा यो दिनलाई आधिकारिक उत्सवको रूपमा मनाइयो। विश्व कला दिवस UNESCO द्वारा समर्पित एक दिन हो जुन 2019 मा UNESCO को साधारण सम्मेलनको 40 औं सत्रमा घोषणा गरिएको थियो। सन् २०२४ को नारा “A Garden of Expression: Cultivating Community through Art. अर्थात् अभिव्यक्तिको बँगैचा, कला मार्फत समुदायको निर्माण भन्ने अर्थ लाग्दछ ।