पल प्रकरणमा निर्देशक थापालाई सोधपुछका लागि प्रहरी कार्यालय लगियो

रासंसा/काठमाण्डौ, फाल्गुन १४,

मुलुकमा नाबालिगमाथि करणी गरेको गरेको आरोप फरार रहेका अभिनेता पल शाहबारे सोधपुछ गर्न निर्देशक सुदर्शन थापालाई प्रहरीले तीनकुने स्थिति प्रहरी कार्यालय लगेको छ । निर्देशक नारायण पुरीले रातोपाटीलाई दिएको जानकारी अनुसार प्राइम टेलिभिजनमा अन्तरवार्ताका लागि पुगेका थापाले प्रहरीले सोधपुछका लागि भन्दै प्रहरी कार्यालय लगेको हो । यता, प्रहरीले पनि थापालाई पल शाहका विषयमा सामान्य सोधपुछका लागि बोलाएको रातोपाटीलाई जानकारी दिएको छ । शाहलाई पक्राउ गर्न प्रहरीको जम्बो टोली परिचालन गरिएको फिल्डमा खटिएको छ । बलात्कार मुद्दा दर्तासँगै उनीविरुद्ध जिल्ला अदालत तनहुँले फागुन ११ मा पक्राउ पूर्जी जारी गरेको थियो । पलको खोजीमा प्रहरीको ५ टोली परिचालन गरिएको छ । केन्द्रीय अनुसन्धान ब्यूरो, महानगरीय प्रहरी परिसर काठमाडौं, महानगरीय अपराध महाशाखा, परिसर ललितपुर र जिल्ला प्रहरी कार्यालय तनहुँको टोलीले उनीबारे अनुसन्धान गरिरहेका छन् । थापा शाह अभिनीत चलचित्र ‘म यस्तो गीत गाउँछु–२ का निर्माता तथा निर्देशक हुन् । पुरीले रातोपाटीसँग भने, ‘टेलिभिजनको कार्यालयमा नै पुगेर प्रहरीले थापालाई लगेका छन् । हामी पनि आउनुपर्छ भन्दा वहाँहरुले केही बेर सोधपुछका लागि मात्र हो भनेर भन्नुभएको छु ।’