दमौलीको ट्राफिक व्यवस्थापनबारे व्यास नगरपालिकाद्वारा सरोकारवालासँग वृहत् अन्तरक्रिया
अन्जनराज न्यौपाने
गण्डकी प्रदेश समाचार
तनहुँ ।
दमौली – व्यास नगरपालिकाले ट्राफिक व्यवस्थापन, जेब्रा क्रसिङ, फुटपाथ व्यवस्थापन, सडक व्यवस्थापन, सीसी क्यामेरा जडान तथा बस पार्किङ व्यवस्थापनका विषयमा यातायात व्यवसायी, उद्योगी, व्यापारी र स्थानीयसँग वृहत् अन्तरक्रिया गरेको छ।
पृथ्वी राजमार्गअन्तर्गत दमौलीको भोर्लेटारदेखि दुर्गा मन्दिरसम्मको सडकखण्डमा सवारीसाधन र यात्रुलाई सुरक्षित तथा सहज आवागमनको वातावरण सिर्जना गर्ने उद्देश्यले कार्यक्रम आयोजना गरिएको हो।
कार्यक्रममा व्यास नगरपालिकाका प्रमुख वैकुण्ठ न्यौपाने, प्रमुख जिल्ला अधिकारी शिवलाल तिवारी, प्रमुख प्रशासकीय अधिकृत सुकदेव लम्साल र जिल्ला प्रहरी कार्यालय तनहुँका प्रमुख प्रहरी उपरीक्षक टेकबहादुर कार्कीले सडक र यात्रुको सुरक्षाका विषयमा आफ्नो धारणा राखेका थिए।
सहभागीहरूले सडक अतिक्रमण नियन्त्रण, व्यवस्थित पार्किङ, पैदलयात्रीका लागि सुरक्षित जेब्रा क्रसिङ र प्रभावकारी ट्राफिक व्यवस्थापनको आवश्यकतामा जोड दिएका थिए। नगरपालिकाले उठेका सुझावलाई कार्यान्वयनमा लैजाने प्रतिबद्धता जनाएको छ।
कार्यक्रममा व्यास नगरपालिकाका प्रमुख वैकुण्ठ न्यौपाने, प्रमुख जिल्ला अधिकारी शिवलाल तिवारी, प्रमुख प्रशासकीय अधिकृत सुकदेव लम्साल र जिल्ला प्रहरी कार्यालय तनहुँका प्रमुख प्रहरी उपरीक्षक टेकबहादुर कार्कीले सडक र यात्रुको सुरक्षाका विषयमा आफ्नो धारणा राखेका थिए।