तनहुँ जिल्लाको विशेष समाचारप्रदेश-१प्रदेश-२प्रदेश-३ [बागमती]प्रदेश-४ [गण्डकी]प्रदेश-५ [लुम्बिनी]प्रदेश-६ [कर्णाली]प्रदेश-७ [सुदुर पश्चिम]मुख्य समाचारसमाचारहेडलाइन

देउसी भैलो खेलेर संकलन गरिएको रकमबाट विद्यार्थीलाई लत्ता कपडा वितरण

Share to:


राष्ट्र संरक्षण डट कम
​दमौली, तनहुँ ।
तिहारको अवसरमा देउसी भैलो खेलेर संकलन गरिएको रकमबाट तनहुँको व्यास नगरपालिका–१२, भडखलास्थित आधारभूत विद्यालयका विद्यार्थीहरूलाई न्यानो कपडा वितरण गरिएको छ।
​दमौलीका युवा सामाजिक अभियन्ता सुदीप गफ्फार र उनको युवा समूहले देउसी भैलोबाट उठेको रकमको सार्थक सदुपयोग गर्दै विद्यालयमा अध्ययनरत २५ जना विद्यार्थीलाई विद्यालयको लोगो सहितको न्यानो स्विटर वितरण गरेका हुन्।
​बढ्दो जाडो मौसमलाई मध्यनजर गर्दै बालबालिकालाई चिसोबाट जो dai जोगाउन र पठनपाठनमा सहजता ल्याउने उद्देश्यले उक्त सहयोग गरिएको अभियन्ता सुदीप गफ्फारले जानकारी दिए। देउसी भैलोबाट संकलित रकमलाई मनोरञ्जनमा मात्र सीमित नराखी सामाजिक सेवा र बालबालिकाको हितमा खर्च गर्न पाउँदा खुसी लागेको उनको भनाइ छ।
​युवाहरूको यस्तो रचनात्मक र मानवीय कार्यले स्थानीयस्तरमा सामाजिक उत्तरदायित्व, आपसी सहयोग र परोपकारी भावनाको विकास गर्न ठूलो टेवा पुग्ने अपेक्षा गरिएको छ। कार्यक्रममा विद्यालयका प्रधानाध्यापक सुनिता देवकोटाले जाडोको समयमा न्यानो कपडा पाएपछि विद्यार्थीहरूलाई विद्यालय आउन र नियमित अध्ययन गर्न ठूलो राहत पुग्ने बताएकी छन्।

Like