तनहुँमा अपराध नियन्त्रण र सुरक्षा सतर्कता तीव्र: अहोरात्र खटिए प्रहरी जनसेवामा
अन्जनराज न्यौपाने
गण्डकी प्रदेश तनहुँ समाचार
राष्ट्र संरक्षण डट कम तनहुँ
प्रहरीद्वारा विभिन्न आपराधिक गतिविधिको रोकथाममा उच्च क्रियाशीलता
तनहुँ, नेपाल — जिल्ला प्रहरी कार्यालय तनहुँले जिल्लाभित्र शान्ति सुरक्षा कायम राख्दै नागरिकको जीउधनको रक्षाका लागि आफ्नो क्रियाशीलतालाई थप तीव्र पारेको छ। जिल्लामा हुन सक्ने विभिन्न किसिमका चोरी, लुटपाट, हत्या, हिंसा, बलात्कार तथा अन्य आपराधिक गतिविधिहरूलाई पूर्ण रूपमा नियन्त्रण गर्न प्रहरीले विशेष सुरक्षा योजनासहित सक्रियता देखाएको हो।
पछिल्लो समय जनजीवनलाई सुरक्षित बनाउन तथा समाजमा अमनचैन कायम राख्न प्रहरी प्रशासनले गस्ती, निगरानी र जनचेतनामूलक कार्यक्रमहरूलाई समेत व्यापक बनाएको छ। त्यस्तै, मानव तथा पशु चौपायको सुरक्षालाई मध्यनजर गर्दै आपराधिक क्रियाकलापमा संलग्न व्यक्तिहरूलाई कानुनी दायरामा ल्याउन प्रहरी सदैव तत्पर रहेको छ।
जिल्ला प्रहरी कार्यालयको यस कदमले स्थानीय नागरिकहरूमा सुरक्षाको अनुभूति बढ्दै गएको छ भने कुनै पनि किसिमका शंकास्पद गतिविधि वा घटना घटेमा तुरुन्त नजिकैको प्रहरी कार्यालयमा खबर गर्न समेत अनुरोध गरिएको छ।
यस्तै जिल्ला प्रहरी कार्यालय तनहुँका प्रमुख कार्की र डीएसपी घिमिरेको सक्रियताले जिल्लावासी हर्षित
— जिल्ला प्रहरी कार्यालय तनहुँका प्रमुख (प्रहरी उपरीक्षक) टेकबहादुर कार्की र जिल्ला प्रहरी कार्यालय तनहुँका प्रहरी नायब उपरीक्षक (डिएसपी) द्वारिका प्रसाद घिमिरेको उच्च कार्यक्षमता र तदारुकताका कारण जिल्लावासीहरू हर्षित भएका छन्।
जिल्लामा शान्ति सुरक्षा कायम राख्न, आपराधिक गतिविधि, चोरी, लुटपाट, हत्या, हिंसा र बलात्कार जस्ता घटनाहरूलाई नियन्त्रण गर्न यी दुवै अधिकारीहरूको नेतृत्वमा प्रहरीले देखाएको सक्रियताप्र्रति स्थानीय बासिन्दाले खुलेर प्रशंसा गरेका छन्।
अपराध नियन्त्रणमा कडाइ: जिल्लामा हुन सक्ने विभिन्न किसिमका आपराधिक क्रियाकलाप र झैझगडालाई बेलैमा नियन्त्रण गर्न प्रहरी नेतृत्वले विशेष पहलकदमी लिएको छ।
मानव तथा पशु चौपायको सुरक्षा: आम नागरिकको जीउधनका साथै पशु चौपायको सुरक्षा र विभिन्न किसिमका चोरी-लुटपाट रोक्न प्रहरीले प्रभावकारी गस्ती तथा निगरानी बढाएको छ।
जनतामा सुरक्षाको अनुभूति: प्रहरी प्रमुख कार्की र डिएसपी घिमिरेको समन्वयकारी र जनतासँग सहकार्य गर्ने शैलीले तनहुँवासीमा सुरक्षाको बलियो अनुभूति भएको छ।
प्रहरीको यस्तो जनमुखी र कडा सुरक्षा व्यवस्थापनले समाजमा अमनचैन कायम हुनुका साथै कानुनको पालना गराउन महत्त्वपूर्ण सहयोग पुगेको स्थानीयहरूको भनाइ छ।