मोरङको ग्रामथान गाउँपालिकाको अध्यक्ष माओवादीले जित्यो

रासंसा/मोरङ, मार्ग १७,

मुलुकमा नेकपा माओवादी केन्द्रले मोरङको ग्रामथान गाउँपालिकाको अध्यक्ष पदमा विजय हासिल गरेको छ। सोमबार सम्पन्न मत गणनाको अन्तिम परिणाम अनुसार काङ्ग्रेसका उम्मेदवार बलराम सरदार थारुलाई पराजित गर्दै माओवादी केन्द्रका उम्मेदवार नमोनारायण माझीले विजय हासिल गरेका हुन्। नेकपा एमालेका उम्मेदवार तुलसी राम विश्वासले ४ हजार १५९ मत ल्याउँदा राप्रपाका दिनेश कुमार थान्दारले ५५५ मत ल्याए । राष्ट्रिय स्वतन्त्र पार्टीका नविन कुमार विश्वास खवासले ३७५ मत पाए । माओवादी उम्मेदवार माझीले ६ हजार ९६९ मत ल्याए भने नेपाली कांग्रेसका बलराम सरदार थारुले ५ हजार ३३३ मत प्राप्त गरे ।