सेभ द नेशन मिडियाका सम्पादकलाई मातृशोक

महेशजंग कुँवर/ललितपुर, भाद्र ११,

सेभ द नेशन मिडियाका सम्पादक प्रताप राना मगरलाई मातृशोक परेको छ । सम्पादक रानाकी ममतामयी आमा कमला रानाको आज बिहान १० बजे ललितपुरको हस पिस केयर सेन्टरमा देहावसान भएको हो । देहावसन् आमा कमला रानाका एक छोरा प्रताप राना, एक बुहारी जयन्ति राना र एक नाति प्रज्वल राना छन् । नाती प्रज्वल राना भने उच्च शिक्षा हासिल गर्न बिगत १० वर्षदेखि फ्रान्समा अध्ययनशील छन् । आफ्नो प्यारो नातिलाई असाध्यै माया गर्ने हजुरआमा कमला रानाको नाति प्रज्वल रानालाई हेर्ने सपना र नाति प्रज्वल रानाको हजुरआमा कमला रानालाई हेर्ने सपना भने अधुरै रह्यो । देहावसन् भएकी सम्पादक प्रताप रानाकी ममतामयी आमाको पार्थिव शरीर टेकुस्थित आर्यघाटमा दाहसंस्कार गरिएको छ । देहावसन् आमा कमला रानाप्रती चीरशान्तिको कामनाकासाथ शोक सन्तप्त परिवारप्रति धैर्य धारणशक्ति प्रदान होस् भनि पशुपतिनाथसंग प्रार्थना गर्दछौ । हार्दिक श्रद्दान्जली !!